香港新浪網 MySinaBlog
JO | 31st May 2017 | 我的食譜 | (6 Reads)

上次係街市見到個男人買豬腰, 令到我都想試下買番去家試下整...$6/個又唔貴

豬腰功效都唔少.

因為豬腰又即係豬既腎, 咁 最主要係一定健腎,另外有強腰, 原來對於老人家有耳鳴都好有幫助.

 

咁有效益都唔係人人食得, 原來糖尿病, 高血壓, 血脂既人都應該少食或唔好食.

 

不過清洗豬腰都唔係易,肉檔會代勞切一切, 但都起唔清D筋位, 番到去都要用刀慢慢片走晒所有筋位, 唔係會腥.

 

 

 

 

 

 


參考食譜:

http://josearfung.blogspot.hk/2017/05/blog-post_31.html 


JO | 29th May 2017 | 我的食譜 | (19 Reads)
之前係網上都跟左好多自家製燒肉食譜, 又話要用白醋掃皮; 又要出水又要用針刺皮等, 我全部都跟過, 焗完出來皮都係叫脆既, 可惜就係會痴牙, 唔及出面買百幾蚊斤既燒肉咁脆口但唔會痴牙..

點知有一日去家姐家屋企食飯, 佢工人整左個燒肉出來個皮好脆又唔痴牙..咁我就問佢點整...
佢話無點整只係用鹽醃半日..入爐焗45分鐘左右總知見到金黃就得..聽完個做法都O晒咀..有無咁簡單呀...我又再問唔洗刺皮; 唔洗用白醋, 唔洗出水再放入冰水...佢話咩都唔洗做就係用鹽醃半日..

OMG..咁易就岩晒我D懶人做啦..番去家即刻試下...真係成功...不過我係有用刀刺下個皮..但真係之前咩出水既所有步驟都無做...日後我都唔洗再俾百幾蚊斤買燒肉回家食.

不過人人個焗爐唔同, 好似我家既爐唔係好夠力, 所以我前後都焗左差不多60分鐘先可以, 不過真係脆卜卜好好味...下次係醃料方面可以再加D五香粉令佢更加惹味


 


JO | 29th May 2017 | 我的食譜 | (12 Reads)

星期六要番工既日子一般我都好少會預備整晚餐食, 上二星期難得星期六可以4點左右就收工, 無咩想係街食D咩就不如買少少野回家煮好過.
一切都以快, 簡易為主, 唔洗40分鐘就已經可以整到一個湯, 主菜同飯.
2個人每人一份, 買埋食材加埋2個人都唔洗$100,又可以係家中舒服食又健康.

 

 

食譜參考:

http://josearfung.blogspot.hk/2017/05/blog-post_23.html 


JO | 29th May 2017 | 2017 ~墨爾本塔斯之旅 | (12 Reads)
17/4/2017

話咁快又到旅程的最後一日. 琴日單單來回St. Kilda Beach 已經令到我地好累加上我地係夜機回港, 所以有成7-8小時要係市內游走, 我地都係攪到最後一分鐘先check out.

今日全日都係市內加上好多時間, 所以我地花好多時間係坐電車遊一圈.
跟住第一站我地係去搵食, 見到網站介紹話有一間飲湯既唔錯, 間湯店只係出售湯, 有十款左右的湯選擇, 我地選擇左網上介紹的肉丸湯. 味道有D似蕃茄肉丸意粉咁, 只係欠左意粉在內. 不過味道都唔錯..


 

食完之後行到街尾見到這間donut店, 之前已經見到有時都有條小人龍, 所以忍不住又就走去買過來食.價錢一D都唔平成AUD 6/個; 仲要每個都俾個紙盒過份包裝, 而且味道好一般, 我喜歡係Queen Victoria Market既車仔鋪donut多好多.

 


食完野都飽晒,我地又再坐電車去Harbour Town行下, 我地真係行下入面都衫褲都唔係好岩我地. 最後我地走左入Cosco參觀...HAHHA太無聊...

樣樣野都超巨型, 連日本綠茶都有得買.非常國際化啦...我地係Cosco玩左完出來都中午2點幾啦..係時候搵個地方坐低食個tea飲杯咖啡提提神.



 


離開Habour Town我地又坐回電車去市中心, 又開始亂搵間咖啡店, 原本見到話間門口好多好靚既蛋糕, 但見果條人龍相信都要等30分鐘以上, 所以我放棄隨便走左入橫街的咖啡店休息就算.


 



 



 

係度hea下差足電都已經3點幾, 好啦我地去埋果個唔知咩植物公園就要準備食埋晚餐再回住宿處等上車.


 



 

 

一早選擇晚餐食越南野, 晚上6點入面已經坐滿人啦...味道真係唔錯而且係澳洲食野來講真係叫好平好抵食.


食完我地慢慢行埋唐人街跟住散步回住宿處就上車去火車站再轉車去機場啦 . 9 日的旅程就開開心心咁結束!!

JO | 22nd May 2017 | 2017 ~墨爾本塔斯之旅 | (41 Reads)
16/04/17

其實來到墨爾本我地之前基本上都無計劃過任何行程,
由於我地只得3日2夜又無租車日子少, 單單只要今日係有一整天, 來前想參加本地旅行團去12門徒石行下...來前先發現我地想參加果幾間今日都無出團休息, 最後同友人商量過之後, 怕來到先搵本地團又多人又迫, 所以12門徒石景點我地留番下次再去.

 


咁原本打算今日去我地自己去既坐蒸氣火車, 點知琴晚係網上查左官網又話假日人會比較多, 咁我地又怕多人又坐唔到理想既位置咪仲衰..結果又係取消埋.

今日我地就輕輕鬆鬆行下就算啦...今日只係得2個景點就係去Brighton Beach睇7彩小屋同埋去St Kilda Beach睇下好唔好彩見到企鵝回巢.

無咩景點更係可以遲D先起身. 琴日係超市買左個巨型muffin做早餐. 我地買完個muffin行出來經過商場內一間cafe都係賣一樣既超市muffin, 但就要貴多一倍.
當然超市muffin都唔會好食得去邊, 仲要偏甜...幸好有杯檸檬茶消一消!!

中午我地就pack lunch, 琴日係Queen Victoria Market買左D薰牛肉, 新鮮蔬菜更加帶埋個午餐同水果出去扮野餐.

今日要坐火車去2處地方都係出左免費乎乘車區, 所以我地去火車站買Myki卡同埋順便去訂埋明晚機場巴士接送.

買好卡縑增值好後,我地就出發去第一站既Brighton Beach. 基本上出左火車站跟住D人就可以去到個7彩小屋.自己感覺啦..又唔係夏天來游水單單來睇D小屋真係有D悶, 係今日無咩地方好去先來行下.



 



 

見好多人都話這裡都係豪宅區, 我地又唔輸蝕係度參觀下先. 點知俾我地發現有超市, 超市怪更係要入去望下...俾我見到要買俾家人既藥平過係市區...仲要係每樽平AUD 15, 真係難以置信. 架中只有2樽掃晒去走人.

跟住我地就出發去第二個景點St Kilda Beach, 中間見到個好攪鬼既遊樂場, 我地走入八卦下. 今日係假期好多大人同小朋友係度玩機動遊戲. 我地係度望人玩左一陣, 就向沙灘方向行, 沿途仲有Sunday Market有幾個小檔買D 手工藝, 健康食物, 衫等.




跟住我地就到達沙灘, 如果要去睇企鵝就要行一條長長路, 再出去石位等啦.
當時3點多, 我曾經妄想會有企鵝係D石出現. 當然妄想就會成真既, 咁唯有努力上網查下究竟企鵝一般幾點回巢仲好.
原來企鵝一般都係會日落時份回來, 咁當日墨爾本日落時間係5:55分, 距離仲有成2-3小時, 所以我同友人商量回一回市區去超市掃埋家人既手信同藥品後放低D野回酒店先再來, 反正我地係俾左全日車費, 所以都無咩所謂.





點知我地回到市區買埋野都無時間回酒店, 我地2隻傻皮又再坐車回St Kilda Beach博一博睇下有無企鵝回巢. 其實秋天時間我地2個都打定輸數未必有得睇架啦, 但明知唔番來唔心死.
未行到石位時已經見到人頭湧湧, 好多人都係度等企鵝番來. 點知係一個石位見到有一隻, 當時已經超開心, 點知再行落D又再見到2-3隻.


 





 





最終皇天不負有心人, 幸運地俾我地遇見有一隻係由海邊游番來岸, 令我地今日畫上完美句號.
跟住我地2條超累傻皮就一直坐車回住宿處慢慢煮晚飯同執行李準備明晚坐機.
早上我地又去左Queen Victoria Market睇下有咩食材, 真係忍不住買左條唔知咩魚番去試下煮先...不過我覺得泥味重味道麻麻, 反而隻大大雞脾就真係好有雞味肉又滑.




住宿: City Tempo Apartment

JO | 19th May 2017 | 我的食譜 | (7 Reads)


 

 

早陣子好多人都用印度椰子來煲湯, 我自己一直未試過. 上星期去左街市見到有得買, 就買左一個同一個新鮮雲耳來試下煲湯...

 

講真用印度椰子真係估佢唔到地好濃好香椰子味道, 反而用新解雲耳就無咩特別.

 

今次啖湯好清甜加埋雲耳煲出來好膠, 心理上都覺得好似好有骨膠原咁飲完皮膚都有彈性D.

食譜參考:

 

http://josearfung.blogspot.hk/2017/05/blog-post_19.html 


JO | 18th May 2017 | 2017 ~墨爾本塔斯之旅 | (21 Reads)
15/04/17

今日坐早上7點機到墨爾本,幸好假日同住得好近基本上20分鐘左右就到達, 加上前一晚我地入左滿油, 基本上唔洗去油站就直入機場還車.
估唔到咁早Avis停車場已經有職員係度, 交回部車俾佢就攪點.

準時上機1小時之後已經到達,我地取完行李後就到出面排隊買機場接駁巴士, 估唔到一大早都有咁多人排隊. 如果大家想避免排隊之苦, 可以係網上買票.(而且上網買票會平D)巴士班次都非常密
https://www.skybus.com.au/fares





其實到達火車站之後, 只要等下都會有接駁巴士送大家到達住宿處.不過我怕等好耐加上時間多, 我同友人選擇拖行李行去住宿果度.

今次這間City Tempo Apartment我地非常滿意, 除左有個廚房之外, 地點都非常便利, 行去Queen Victoria Market唔洗10分鐘就到.
最岩我咁喜歡行街市既人士.
去到住處咁早更係無得取房先,我地放低行李, 唔洗諗更係去第一個景點Queen Victoria Market.
這裡有除左有食物之外, 都有好多買手信, 衣服鞋物等(有D似香港的女人街).



我咁為食第一站更係走去排隊買新鮮即製的Donut, 入面仲有D果醬微甜真係好鬼正.熱辣辣好鬆軟真係好回味.




跟住同友人走入街市睇下蔬菜. 原來好多菜舖都係中國人經營, 所以價錢都幾平下...我一次過買左2-3日既份量. 跟住就入去睇下熟食, 忍不住又買左2盒新鮮橄欖等食材.









另一邊就係買魚同肉類. 如果多人買一大盤牛扒有成6-8塊先係AUD 10真係抵到難..不過我地得2個人更係無我地份.
不經不覺係街市買下食材都已經中午1點多, 大家都好累,加上人又多...我地試下行番去住處睇下有無房俾我地先.
好彩準備好晒, 我地可以放低D食物同休息下.
有個小露台真係好正, 一次過買左2,3日晚餐已經俾我打爆個雪櫃.





之後我地都係係市內行下超市, 隨便走走就回來慢慢煮野食.
來到澳洲我真係覺得佢地D蔬菜好好味; 今次係Market買既牛扒比起係超市既更加重肉味..好味又豐富的晚餐.



住宿~ City Tempo Apartment

JO | 17th May 2017 | 我的食譜 | (9 Reads)



上星期家中有人唔舒服, 所以我都係煮D清淡以蒸為主的菜式比較適合. 這個菜式做出來真係唔錯, 特別對於老人家無咩牙力, 而且加入豆腐令到肉餅更加滑.

 

食譜參考:

http://josearfung.blogspot.hk/2017/05/blog-post_17.html 


JO | 16th May 2017 | 2017 ~墨爾本塔斯之旅 | (8 Reads)
14/04/2017

最後一日係塔斯今日景點都唔多, 離開住宿時見到主人傾左2句,佢好心提一提我地今日係Good Friday好多地方都無開同多人, 令到我地先醒起唔怪之得琴日去超市會勁多人買野...所以今日我地無得再去間好大既超市再行啦!!


一早睇左D旅遊書介紹話Richmond Bakery同樣出名,咁近我地更係要去試下有幾好味.
這間店相比Ross Bakery更加大, 但味道真係差好遠. 最簡單一杯咖啡都無Ross整得咁好飲, 出名既Pie我都覺得一般,好失望!






Richmond大概可以遊半日左右,視乎休閒度。天氣好古僑影相超靚,仲可以沿河行一小段公園,另外公園內有郊野烤爐,行完古橋可前往附近教堂。





原本見到附近有個果園見到時間尚早就想去睇下有無開, 點知都係咩都無開...唯有直接去Mt. Wellington出發..

其實行過三個郊野公園,對呢個山係無期望無計劃就咁上去,點知原來都好玩!一方面係呢個山最尾段山路抯車本身都幾刺激,路偏窄兼灣多(似香港石澳),雖然未至於係一線雙行,但始終路段部份身處涯邊,都有幾分刺激。其二係上到山非常大風(小心帶夠衫上去),而當中有幾條Track可以行。可惜係之前無做功課,我們只係行左半小時的Zig Zag Track(感覺都落左200至300米左右),若果有做功課,就可以沿Zig Zag Track落,Organ Pipes Track上,應該都幾好玩。上落一段小山後,就係上面環視Hobart,都真係好肯定呢到夜景一流,唔會比香港弱,但駕車上山就要預時間和落車要小心。
不過講真這個景點真係好值得一來, 原來這裡都有行山路段. 不過我地咩都無準備, 所以只係小行一段過下癮就算.







落山後時間可以Check in,但我地一心預時間再行超巿,去到Sorell基本上就係乜都無開,包括油站,真係似過年。
順路去埋Barilla Bay Oyster Farm買生蠔作為我地既午餐,蠔係平,喜歡應該會好正。
然後我地就返Discovery Parks - Hobart check in.




其實回到住宿處都係放底D野, 唔停得既我又建議去Hobart海港行下,順便買份Fish & Chips 作茶點啦...這裡仲有幾首船咁停係旁邊, 有D就係買魚, 海鮮, 有D船就係買熟食炸魚薯條..我地去左間比較多人排隊去買...味道都係一般啦..
不過一提這裡停車場係要收費, 自行到旁邊的入錢取回票後放係車上就可以.







4時多我地就真係回住宿處休息執下行李同準備晚餐.
因為時間實在太早,無聊到行晒成個住的地方,竟然有一個小小果園,係好細細個隻,但最開心係有新鮮蔬果免費供應,我地食左新鮮採摘的瓜果,果然係特別甜美。簡單地用D新鮮瓜果整個沙律真係好鬼正.









不過,呢個站仲有件唔開心事,遇到兩個無品家庭,住係附近,嘈吵到近半夜!(有一個係香港家庭,救命!)其實大部分外國人,去到夜晚都會好靜,幾時大家先學會入鄉隨俗呢!
整體來講這間住宿提供房內設備都不足, 舒適度都一般, 唯一只是比較近機場.


-住宿Discovery Parks - Hobart

JO | 16th May 2017 | 2017 ~墨爾本塔斯之旅 | (7 Reads)
12/04/2017



今日都係一早起身食埋早餐準備午餐就交房出發去今日另一個國家公園行下山, 今日車程大約4小時左右.我地第一站係去回壁畫鎮作補給站, 入好油買好晒食物就真正出發去今晚住宿處Westerway小鎮先. 今晚我地住農莊主人既小木屋, 真係好期待.
到達住宿處check in 已經見到農場主人岩岩係度, 佢好好人同我地介紹左一陣就話要出去啦..
原來今晚得我地住...這間小屋好正好舒服...







放低行李食埋個午餐, 我地就再出發去Mt.Field National Park行山, 我地都無咩點理只係泊左部車係visitor center就開始去行山啦....這裡同之前2個國家公園都唔同, 入面好多榭都好大好高無咩太陽, 所以簡唔中都見到好多唔同既菌類.



這裡我地都係預左小行下...主要都係來睇下個water falls.






今日行了兩條登山徑,分別是Russell Falls,由於時間依然尚早,順路落Tall Trees Walks,至此還有一個選擇是Lady Barron Falls。全條路的森林美觀極舒適,呢到以樹木為主,小動物並唔多,但喜歡菇的話,絕對是一條有趣味的路。
從Lady Barron Falls回Mt.Field Park Visitor Center時,雖不是推薦路,行了很久也沒遇上其他人,途中突然有一個型仔出現,佢快速咁介紹左自己,並同時不讓我們前行,正當我們懷疑前路可能維修時,他的對講機發聲,然後他又帶我們過路,原來我們遇到拍攝隊,還遇上兩匹馬和彷當地土著。當然我地一個演員都唔識!!!






我地hea行完山又開車回住宿處休息下..慢慢整下野等入夜又係見到天空好多星真係好開心.




住宿: Duffy's Country Accommodation

- 即日超巿攻略:Deloraine係途中經過的大巿鎮。
+感言:正式來講,今日有半日係「趕路」(4小時車程), Google Map會有兩條路選擇(分別行A5和A10),兩邊大概差半小時,但考慮到當日天氣好,加上A5近路有較多巿鎮,所以擇短車程的路。係快接近Mt.Field Park沿住Great Lake的一段路,雖然是A級公路,但絕對唔係路,唔係石屎路,屬於沙石路,所以都有少少驚險。A5沿路風景不錯,有時間不妨在湖邊停停看看。
然後先到Duffy's Country Accommodation Check In,此民宿係入住裡面設施和環境最佳。獨立的農場,很多位置設計十分細緻設計和打理,絕對是拍照好地方。住宿環繞附近均大部份是農場,若果季節適合有機會買農作物食。

Next