香港新浪網 MySinaBlog
« 上一篇 | 下一篇 »
JO | 29th May 2017 | 我的食譜 | (19 Reads)
之前係網上都跟左好多自家製燒肉食譜, 又話要用白醋掃皮; 又要出水又要用針刺皮等, 我全部都跟過, 焗完出來皮都係叫脆既, 可惜就係會痴牙, 唔及出面買百幾蚊斤既燒肉咁脆口但唔會痴牙..

點知有一日去家姐家屋企食飯, 佢工人整左個燒肉出來個皮好脆又唔痴牙..咁我就問佢點整...
佢話無點整只係用鹽醃半日..入爐焗45分鐘左右總知見到金黃就得..聽完個做法都O晒咀..有無咁簡單呀...我又再問唔洗刺皮; 唔洗用白醋, 唔洗出水再放入冰水...佢話咩都唔洗做就係用鹽醃半日..

OMG..咁易就岩晒我D懶人做啦..番去家即刻試下...真係成功...不過我係有用刀刺下個皮..但真係之前咩出水既所有步驟都無做...日後我都唔洗再俾百幾蚊斤買燒肉回家食.

不過人人個焗爐唔同, 好似我家既爐唔係好夠力, 所以我前後都焗左差不多60分鐘先可以, 不過真係脆卜卜好好味...下次係醃料方面可以再加D五香粉令佢更加惹味