香港新浪網 MySinaBlog
« 上一篇 | 下一篇 »
JO | 14th Oct 2014 | 東京箱根之旅 ~2014 | (170 Reads)
16/09/2014(築地大和壽司  上野電單車街- 東京鐵塔- 新宿 - 上野)

今日早上4點就起身, 原因好簡單就係想去築地睇下有無得參觀築地, 我地住上野但最早既車都係5:15分, 所以我地坐第一班車再行去築地已經係5:45分啦..可惜門口已經貼左今日既名額已滿...無計啦.無得睇都要去搵食..

明知築地有2間出名壽司店都要大排長龍咁早來應該都唔多人啦...點知未行去時都已經見到人山人海, 反而書上寫既大和壽司就唔算好多人我地來到都係排左20分鐘就有位..好多人都話只能叫SET, 點知坐係我隔離既西人就散叫都得..相信係我地太懶怕唔識溝通...所以如果大家真係一早未開到胃, 強力建議散叫好過..至於你問我D壽司味道如何?

係好新鮮呀亦唔錯, 但會唔會好味都非試不可....我個人認為無咩必要啦...同埋真係一大早6點食個咁既SET更好味都假...



食飯更係要係築地行下, 地方真係好大除左海產魚外, 原來仲有蔬果批發. 我地行左一圈之後就帶住個好飽既胃同好疲倦既身體回酒店再充電先行得.

訓到中午時段我地又精神再出發..有時間我地就去睇下明天租車店既地方再陪友人睇下電單車用品, 點知睇睇下既時間我感覺到地震, 當時係二樓既我都即刻面清清快步行回落地下...不過當地人就好似無咩事發生咁...不過幸好都係為持30秒到隨後幾日都無事發生.

回酒店放低戰利品我地就去其他景點, 去之前更係要食個午餐啦..唔係點夠力行...我地一心一意係想試下文字燒但我地今次真係好hea都無搵到咩地方有得食, 見到一座building內既餐廳有大阪燒餅都照殺 . 我地點左個大阪燒, 另外一個係用明太子中間係似薯片既薯條再底部係山芋, 味道出奇地好味係放鐵板燒到邊好脆內有D軟軟..真係係東京求奇食都覺得美味.

 

食飽出發, 但我同友人真係好懶原本PLAN定既景點我地都開始覺得可去可不去, 加上我地又唔算係shopping狂...而最大既重點係我發現唔見左張全日票....總要成程都俾友人笑我又要我交出所有隨身物以免再唔見... 最終我地只係去左東京鐵塔行下再去埋新宿幫我家人買野就又回上野...
大家一定好奇怪點解我地唔去晴空塔..HAHAH無他..我怕要勁排隊真係無咁既心機...去東京鐵塔都係有信用卡免費入去參觀我先會來...唔係連這個地方都慳番.


 

無無聊聊行完鐵塔我地就去新宿, 原本想去找果天書話睇夜景, 但我又懶唔想找幫家人買完野打算係附近搵食, 點知都唔知食咩又無心水, 所以我地又回上野食晚飯....HAHAH...今晚我地食串燒飲啤酒..

上野橫丁內有好多食店亦有好多串燒店到晚上真係好熱鬧呀..我地慢慢嘆飲下啤酒咁就食左個幾鐘, 食完慢慢散步回酒店啦...