香港新浪網 MySinaBlog
« 上一篇 | 下一篇 »
JO | 17th Oct 2014 | 東京箱根之旅 ~2014 | (62 Reads)
18/09/2014(沼津漁市場- 一碧湖 - 大室山- 門脇吊橋-箱根塔之澤一之湯酒店)

因為漁市場同我地酒店非常近, 我地5時半出發都係開左10分鐘就到. 附近有個停車場但太早既關係所以都係免收費, 我地泊好車就即刻沖入去二樓睇拍賣..

我地去到二樓係一個人都無..HOHOHO...望落樓下都唔見有好多人來買魚....我地仲早過D商人呀!!...其實這個漁市場相比築地真係超級極之細, 所以人亦唔多海產款式亦唔多, 所以大家都唔會一早來這個地方睇拍賣, 只有我地2個傻皮喜歡食就喜歡睇下人地買魚既情況..我地都留左30分鐘, 睇下佢地既拍賣情況, 其實都幾得意, 佢地好似叫到一個價岩就會放低佢地公司既紙/牌係果盒海產上面就完成, 有時叫既價好岩同一時間放下好多牌, 有一次見到佢地搓包剪揼爭一個海產...




 

睇完之後,這裡咁早唔似築地有野食, 好多食店都係10點後先開, 我地亦回酒店再訓一陣check out埋先再來食Brunch.

我地11點check out後就到漁市場, 今次泊車就要收費啦..我之前睇下blog介紹這裡有一間店都好出名, 最慘我又hea無記得地址. 見到咁多間食店都唔知去邊間, 最後俾我見到個名有D印象啦..就係丸天啦...見到這裡又特別多人,我地就決定入去食啦..

我地叫左個金目鯛刺身套餐同埋一客吞拿魚拚盤刺身...這裡既金目鯛刺身真係好好味好新鮮相比我地係香港食果D金目鯛刺身真係差太遠..這裡既魚肉係爽口鮮甜架真係好回味, 不過反而吞拿魚真係好一般就算食到大拖羅都麻麻地, 強烈建議大家有機會來一定叫金目鯛同埋佢地什錦魚生飯就可以.

食飽出發去我地第一個景點一碧湖, 講真空氣好清新仲要加上有少少秋涼又真係幾舒服, 但我個人覺得唔來都唔可惜我地都係短短留左20分鐘就走人


再來就係到大室山(亦係我自己好期待既地方)

 





今日天朗氣清坐纜車時都特別舒服, 上到去我地行左一個圈就走...HOHO...其實我懷疑我地2個人究竟岩唔岩來日本, 上次去大阪我地已經對每一處景點都唔係好熱衷逗留時間亦最多30-40分鐘.

友人建議途中有咖啡店不如入去休息下hea一陣..我當然贊成啦..點知我地一下山行車無10分鐘就俾我見到咖啡店, 入去叫左建cake加杯咖啡即刻回魂, 這間店既咖啡好好似我仲買左咖啡豆番來.


回魂後可以有氣力繼續埋今日最後一個行程門脇吊橋, 估唔到友人介紹既景點都唔錯幾有特色,行這個吊橋都唔係好驚, 有人計劃亦失敗.



 

今晚我地住箱根, 所以路程都比較遠加上回程中又下雨又唔知幾點番到酒店, 所以我地決定去超市買D熟食回酒店慢慢嘆嘆同浸下溫泉仲好.

 

留言(0) | 引用(0) | 話題(日本)