近期開始每星期都加插左一天去上堂讀書, 所讀都係投資課程, 可能比較貼身既事情就算放工後再上多3個多小時既堂都唔覺得累, 只令我愈上愈有興趣.

其實ar sir真係在金融界都有d名氣, 所以報讀佢既堂都要等上幾個月先可以讀到.....

希望讀完之後, 真係對我係股票市場上投資有所改進唔會好似以前咁成個盲頭烏繩咁.

平時都係寫下睇咩戲都係懶懶閒唔會即寫架..不過這套戲真係令到我不得不睇完就寫blog同大家分享..

昨日一早就約左去睇戲, 不過我地都知無預早買飛都好難買到飛,所以我都係博一博.其實近期都唔算有咩戲好睇,我心目中都係想睇偽能判變, 點知去度買飛時見到d位太前都唔敢買...咁見到有套叫咩鬼異形既戲~ District 9以為都唔會太差, 上網睇左d影評分都幾高所以我地就決定睇這套.

...入到院開場左一分鐘後, 我就知死就知就算偽能判變要坐前3行我都死去果邊睇好過....成套戲真係好悶仲要成2個幾小時真係攞曬我命,平時睇戲我都唔會周圍轉坐姿, 不過這套戲真係悶到我唔夠十分鐘又轉一轉, 又坐直又訓底轉來轉去都唔知自己想點, 又試過想係戲院入面訓下休息下, 點知又訓唔到, 煩死我...

不過最精彩係...........我都睇左成2小時啦...咁我就見好似套戲仲未想完結咪走出去過廁所俾自己行下...點知去廁所排下隊等左都唔夠5分鐘回來.....................

套戲已經.........完左...真係想番枱...有無攪錯捱左成2個幾鐘都睇唔到個結局...難片一套呀...連買碟回家睇都可以慳埋呀...help me..

p.s..這套戲其實真係有好多人欣賞架, 只係我d膚淺既人真係唔多識睇呀.

近期都無咩好戲想睇...不過選擇睇這套戲係因為我好欣賞Denzel Washington, 由佢做Bone collector我已經好喜歡佢做戲, 所以明知今套戲唔多咩好評我都甘願入場睇既..可能我都無咩留意, 入場睇先知道原來套戲仲有John Travolta做.....即刻覺得有2位好戲之人做值回票價啦.

整體上成套戲故事, 我個人認為都幾"流"下, 套戲又唔算好緊張,就好似大家係家中睇緊一集電視劇無咩特別...只係有幾個位會令大家緊一緊就係咁多.不過好彩2位男主角都係好好戲帶住成套戲令我唔會覺得係一套悶戲.

不過總結...係...可以等碟出買回家慢慢睇啦...

睇完戲去左太古城個foodcourt食晚飯, 明明記得岩岩開業時, 好多食店都唔錯幾好味, 但昨晚去試左2間都覺得好難食唔好食呀..絕對唔會再去這間foodcourt搵食啦.

星期六一放左工就仆去會合老闆再一齊去中環碼頭..不過去果程都幾趕..因為未食野,所以我地又要趕去IFC入面既starbucks買野食..點知行到去碼頭先知原來果度都有間starbucks真係激死我..

不過星期六都幾多人去長洲玩架..可能係最後一個weekend既暑假啦..所以好多學生哥呀.

我地2條友入到去就即搵單車租啦...租完我地就向張保仔洞出發...記得以前同朋友去張保仔洞係行去...不過宜家老左叫我行我都行唔到...好彩有單車方便好多...今次都係陪老闆入洞...原來佢係未去過張保仔洞果..終於有樣野係我去過..佢未去過...

我都唔記得當年我咁肥美點可以經過個洞呢????...今次經過都覺得好迫呀..好辛苦...不過今次去就唔覺洞內有異味...雖然個洞係好小行30秒就到,但係出去洞口都覺得好開心好似完成一項創舉咁.

去完張保仔洞..我地又出發去另一邊睇下..如果唔係踩單車真係唔會咁樣行長洲..原來長洲真係幾多幾多野行

環境都唔錯...

又有獨立廁所..不過按完就知佢只係環境好...按都係好一般啦..我做係通淋巴,但係我覺得都係麻麻地唔算好好, 咁既價錢唔算值得啦...不過鬼叫JOIN PACKAGE都係用埋.

以我咁被動既人..真係估唔到會同2位完全未見過面既blog友出來食飯吹水...

昨晚就同這2位blogger又再一次見面食飯....不過可惜我搵錯食店...間野d食物我覺得好差唔好食...好彩食完飯都去左食甜品補數.

最後多謝ar mui既手信&生日禮物..多謝!!

我昨晚就睇左過下這本cook book...基本上我估我學十年都未必可以跟到這位大師整到一個cake呀...我都係要繼續努力.

唔知大家作為女性有無好似我咁遇上便秘既問題呢?

自小我就係名肥妹....以前食咁多野更係可以日日去廁所啦...但後來去左外國讀書之後, 自己一個人住又無父母係身邊, 當然點減肥到得啦...係就係瘦左不過就係咁我就開始有便秘...一般都要成3-4天就有...我都其實餐餐有食菜,中午都有食水果, 但情況都無改善...

不過自從我改食左麥片+粟米片+牛奶作早餐, 再跟住平時起碼都食2-3碗菜, 宜家水果係中午&晚餐後都會食...宜家情況就大大改善....真係日日都有得去.

所以大家如果真係有便秘情況, 可以慢慢試下改食麥片做早餐..我真係覺得好掂

第2次就係約左connie一齊去...順便睇下可唔可以引誘佢都有興趣玩....當日同佢玩都算勁好成績, 我用左$100都有成1200分啦..真係算係咁

點知星期六又要開工, 更係要去開心下...唔理3 7 21就唱左$100先啦...

選好左部機啦...唔知入左唔夠10個代幣已經可以去玩大電視既大富翁..點知衰左只係嘔左三百幾個代幣出來..已經好鬼開心..點知再入多幾個又俾我轉到"77"

又再可以玩大電視大富翁..................今次仍然中左SUPER JACKPOT

咁樣就嘔左1422個代幣出來...

HOHOH...等佢儲分都等左成35分鐘...今日成績係用左77個代幣就有6800分啦..

其實佢未上映我已經決定要去睇, 對上一次都有睇今次點會錯過.未睇前聽到影評都唔錯, 個個都話d特技效果好好,所以對這套戲都有d期望. 好彩睇完都唔會令我失望.

整套戲片長成2.5小時..真係一d都唔短..不過成套戲都唔會有悶場, 仲有好多攪笑位真係值得入戲院睇呀.

雖然我都係唔知邊隻係博派邊隻係狂派, 終知就係2架車係度打來打去...但係佢下次再上映我都絕對會入戲院睇啦.

其實都係怪自己睇小說...一本"戀空"令我又回憶以往好多唔開心既事情...當然我無果位女主角咁多慘痛既經歷啦..不過當中佢既痛苦我自己都好明白.

就係咁樣愈睇就愈想睇, 愈睇就愈精神......

不過睇左本書到令到我發現..........................可能對以往既記憶都好似開始唔太記得...

可能咁樣都係我地拉近距離既一步既.

唔知大家知唔知圖中果支係咩來呀???無開車既人唔知都唔出奇,不過開車既人都未必個個會知呀....

話說上星期一, 我一早入完油就返公司既途中見到有路障...見到警察仲要折我埋佢..心想唔係化..我頭先都唔係開得好快..唔通我又衰超速...個腦就不停係度想我究竟係邊度快左呀..頭先明明都無咩位可以俾我快到架..

點知一埋去警察先生就同我講例行酒精測試.....真係打個突呀..點解會係一大清早仲要係工業區來個酒精測試....不過你咁早測試下我訓醒未會好d啦..

圖中果支就係亞sir留下俾我既紀念品呀...

政府又話要鼓吹環保又話7月起要收咩膠袋費啦..咁宜家每人一支既酒精測試膠管..咪又係唔環保又浪費金錢...

不過估唔到室內都咁大咁多野睇.

幾多標本..不過我都唔知係真定假..不過覺得幾鬼得意咪亂影一通.

後來我地又轉入去另一間房睇野..以下d昆蟲係真係架..都幾鬼核突

再後來又去到另一間房..又再次出現d蟹仔呀..仲有唔知咩魚..呢d人用來煲湯架..不過這個係迷你版.

最後我地去埋濕地直播室玩左一陣咩記者games...其實佢係外面會俾你取一張記者卡,係電腦度影左自己張相再入去玩各款唔同既生態環境games咁最後佢就會俾個分你..不過我玩過d games..完全唔識玩呀..太難啦...

咁樣就玩到成3點幾先走人, d小朋友仲要死唔走真係佩服佢地既體力呀..我地d大人個個都累爆呀.

我地一早9時多出發, 去到濕地公園又有車位泊車...一大班入到去就係室外行左先

個公園真係好大,一出去就見到亞貝貝啦..不過試過影相都影唔到呀..不過佢都算好露左個背俾大家睇下...

.

大家見唔見到條好大既魚呀.我偷聽到d人話佢地d魚好喜歡係這些邊位游來游去喎..原因這些位置有好多食物, 佢地唔洗點搵食就有好多食物送到佢口邊....相信我做魚都會好似佢地一樣係這些位置成日出現呀...hohoho..

其實一路行都有好多不同既花花草草架..不過最吸引我都係d荷花..真係開得好靚.

跟住行左一陣又入到一處睇到d紅蟹呀...仲有一d識彈起既魚...睇牌先知佢地叫彈塗魚..真係幾得意

其實佢地都開左幾多位係觀鳥架...仲有望遠鏡俾你睇..可惜我地有小朋友仲要勁嘈..真係我地坐左入去一陣已經俾好多人白眼啦..最後我地都要即走費時再嘈到d有心人觀鳥影相.

再行就係蝴蝶區啦..真係好多蝴蝶係度飛來飛去...最勁係隨意都可以搵到佢地既蛋同毛蟲呀...這個公園最好係會有d人簡唔中出現為你介紹下..好似我地去到蝴蝶區就係有人帶我地去睇下d蝴蝶蛋呀..同埋蝴蝶既幼蟲既樣啦..唔係我鬼識去影啦...不過佢粒蛋太細啦..所以我都無影到..

由10時左右行到12時左右, 都行左成2個小時..大家都夠皮啦真係想即刻入去冷氣區呀..所以我地應該未行曬出面就回程入去坐下食lunch..

不過俾我發現左個好特別既花..個樣又似似地薑花..不過又無花味..唔知大家知唔知係咩來??

入到去就即去搵食啦..即係去唯一一間既餐廳 - 大家樂食個lunch啦....

待續....

都係要完成埋我既土耳其之旅既blog先...費時爛尾呀.

好啦..最後一日係土耳其呀..我地一早食完早餐就去遊船河...今次會睇到一條誇越聚亞2地既大橋...

這一隻就係我地今次會坐既船啦..都唔錯呀.

這一個就係水晶皇宮...遊完船河之後我地都會去既地方.

大家知唔知這個building係咩來.....原來係女子大學來...隔過少少就係男子大學..真係正呀間大學對海真係寫意...唔知咁樣讀書係咪會叻d呢?

這2隻就係土耳其既首富既船..真係勁呀...唔知我地香港首富又無一隻好似上圖咁大既船..基本上成隻郵船咁大呀..

這一條就係橫越歐亞大橋...去完諄船河之後..我地就去杜瑪伯爵水晶皇宮啦...不過這個皇宮要俾錢先可以影相既..當然咁難得來都係要影下既.其實以水晶皇宮為名主要係宮內採用左全世界最大之水晶吊燈, 入面真係好各大小既水晶燈呀..真係好靚好大...宮內仲有全世界最貴既地毯呀..基本上咩野最貴既野都係這個皇宮咁...估唔到土耳其既人咁有錢呀.

行完皇后食左個lunch又係市內行左一陣呀..其實導遊原本話今日我地有好多時間既.佢仲話多時間都可以帶我地行shopping mall...點知係istanbul真係好塞車呀...好地多左既時間都係去左塞車果度..都無機會行下當地既大型shopping mall啦....最後我地一早就食埋最後一餐係土耳其既晚餐就向機場出發回港啦...我地真係早好多..我地成團人係機場就等左成2-3個小時先有得上機呀..

不過這一團真係令我好滿意好開心, 無論食, 住,行程都好好.如果大家真係有時間, 土耳其真係一個值得一去既好地方.

食飽飯又沖埋涼舒舒服服出去行下街...初頭都預計無咩野行, 最多咪行1個鐘就走人.點知原來個夜市真係好精彩, 所以我地行到晚上成12時左右先回酒店.晚上最多就係食店又有d cafe咁...真係有d似旺角咁好多野食, 又好多類似kebab既店鋪. 我地原本出去都無咩目的咁亂行, 後來俾我發現到土耳其既地下鐵, 我又好開心咁走入去亂影一通.

後來行到咁上下, 見到有waffle食呀..hee為食既我又走左入去叫左一個share試下..我叫左個waffle再加左d水果同開心果&白朱古力醬...都幾抵呀好似US 8都算唔錯呀.不過我叫左一個白朱古力醬太甜啦, 反而個開心果醬又幾好味唔錯.

後來我好再去到一條街果度真係好精彩好多人2旁都好多店舖, 真係似旺角既女人街咁, 不過成條街好長,我地行左好耐都未行完就回頭走啦.簡唔中仲有d street car係度行

最後我地回程時無意之中發現橫街有d似街市既店舖,我地又走左入去8下,原來有d店鋪買海鮮喎跟住隔離有d餐廳,可能似香港我地去鯉魚門咁買完海鮮去餐廳叫佢煮來食呀.

最後我地去左間小店買左d無花果乾同埋相中唔知咩乾就回酒店啦.