買野真係會令人精神開心d, 上年已經睇中左FL既羽絨, 不過左想右想又唔捨得最後都無買, 今年又原本睇左mercibeaucoup羽絨, 不過身材矮小既我基本上carry唔到d咁型既衫, 最後都係無買.

最後都係忍唔住去買左FL既羽絨, 其實今年d款同上年既款都無咩分別, 不過好岩身另外見到條裙好得意有d毛毛又岩我, 所以都係忍唔住手要買埋佢.

上次見hello connie買既fl leggings話好好穿, 上網訂唔到後來係香港拍賣見到終於都買到真係開心.

.

..

近期成日都留意下有咩野岩買...亦覺得"mercibeaucoup" d野好特別好靚, 係網見到佢對legging好特別, 最後都忍唔住買左..點知原來睇人穿同自己穿係2回事...我穿左就成對甲組出左來...所以又要去想辦法買d衫睇下點襯先唔會太似甲組球員.

買完又唔知死..又睇中佢新出既jacket背心& OP, 好彩hello connie話我知係CWB有一間水貨店有我睇中既jacket叫我自己上去試...昨日我又走左去專門店睇件OP啦..點知太大件唔岩我D短人...再去埋試jacket啦..我個心亦完全死左..就試水貨店既sales話我穿左都唔得對我來講太大件..好似偷左人地件衫來穿....不過件jacket真係好靚..d毛毛好舒服....

家姐買左部手機作為我既生日禮物...多謝曬....這部機其實係我自己選既...不過佢都同我講SAMSUNG D機唔係太好用..不過我未用過又覺得都OK更係敢試用.

點知平時用開SE既我..基本上真係一D都唔識用這部新機...以往換機都唔需要睇USER MENU既...今次真係唔得呀..完完全全都唔知點用..又難用.

最慘係以為TOUCH SCREEN就一定有手寫板功能架啦...點知................................................係無架.

唉唉唉..今次買左個玩具番來玩死自己

上星期去左又一城...唔shopping有止何..一shopping就好似忍唔到手咁..加上宜家間間店都on sales又點會錯過這段時間啦..

星期日一早就起左身車左大老闆&老闆娘去坐車, 回家再訓.點知十點就俾家姐既call嘈醒叫我早d出去cwb一起飲茶之後先去按摩...ok無問題啦...飲完茶後陪左家姐去睇車...再經過見到有個小小牌有SALES...HEE..咁CHEAP既我更係入去睇下啦...點知就俾我睇中左佢啦...

按摩完就帶左佢回家啦..HEE..一直都好想有一個咁既手袋款式, 家中d袋都係好似奶粉袋個個都大大個就係未有一個咁既袋款, 所以今次一見到就好喜歡, 這個袋仲附有一條帶可以當斜側袋真係唔錯.

晚上同老闆講左我買左個袋, 佢就話入佢數喎當預早送既禮物...hee..咁多謝曬啦啦!!!

明知自己家中都有好多護膚品未用完, 仲有好多未開真係應該唔再入貨都可以夠我用上一年架...

不過最後去到度都係忍唔住走去買左支serum走.我d皮膚好易敏感,所以唔可以亂買野來用選擇性相對都好少, 一般我用開就會跟住個牌子好耐. 之前用開la prairie架, 後來我亞嫂又話la mer好好用, 所以2年前我就開始買佢既cream來試用, 點知用開又真係唔錯特別冬天用就更加覺得好左...

跟住之前見hello connie介紹既雪花秀同樣我又覺得唔錯(基本上只要我用左無敏感我就會覺得好好架啦)...上次去買左支sleeping mask來用, 後來位ba小姐俾左d cream既sample我用...特別喜歡佢地人參cream真係好香好正....不過雪花秀既counter唔多..最重要係佢係cwb無分店...所以都唔會常用佢地既產品.

sogo既thankgiving wk都完左...我又點會唔去八下...好彩八下都有d收獲...

因為太多人只係去左sofina買盒野都攪左成30分鐘, 最後都係去左金百利醫左肚先.

亂撞入左間似茶餐廳度每人叫左個set dinner食先再回sogo睇野..不過估唔到間野d食物都幾好味...仲要一d都唔貴..個意粉先好似四十幾蚊..個三文魚先六十幾..有湯有野飲..抵呀.

其實made in china唔係一個問題, 係香港好多牌子都係大陸製造架啦..不過佢既質料係好差先令我覺得一d都唔抵買...唉...係日本寄來既街邊貨..仲要俾埋運費等...唉真係一次慘痛經驗..真係穿又樣衰唔穿又浪費

另外上次睇雜誌又介紹"維多利亞的秘密"又係有online shopping..hee..咁岩我又想換左d內衣..又係上網睇下啦...最後見到佢又有外套買..所以又心思思買左一件回來..點知又係睇同實物又有d唔同...件外套又大左d...好似都係唔多好睇...唉...不過算啦..其他野都算叫做岩啦..好過係日本樂天買果d..無一件岩.

差不多一時多d就已經去到LCX啦...其實係CC個BLOG已經睇定知自己要買D咩...點知去到左睇右睇..又選多幾樣野.

買左CC介紹既MB shampoo & conditioner...昨晚用左又真係唔錯個conditioner真係幾潤仲幾香.每支都係$90抵呀.

好彩地,PHYTOMER既TONER係最後一支都俾我買到, 另外原來係想買佢地既植物磨砂, 點知買曬...位BA小姐好好咁介紹另外一支又話都岩我既敏感皮膚只要我唔好用太多係面2邊都OK.昨晚都有試用都唔錯 $170.

最後緊唔住又買多一樣保濕精華素$300, 不過仲未用呀.其實原本想買佢支cleansing milk架, 大大支都係$320, 不過真係明知自己一年內用唔曬, 所以都無貪心買到..

最後忍不住買左支防曬呀...明知佢8月到期, 不過見$70支好平佢俾我試用又覺得唔錯都算幾爽, 所以明知佢快到期都買來用呀.

好啦...買完護膚品..又忍唔住去睇下d香水..一睇下發現真係幾平..忍不住又買左支

真係超平呀..$230成90ml抵呀...好開心

今次真係滿載而歸.

今個星期又係煮下野食..今次懶整樣普普通通既白饅頭先...

中筋麵粉 200g

泡打粉: 2g

yeast 2g

溫水:80g

糖: 22g(我唔想咁甜所以減到22g,如果大家喜歡甜少少可以加至30g都ok)

步驟:

1.將溫水加入yeast同糖等10分鐘左右

2.將所有麵粉過篩再加入溫水搓就ok, 包好麵團發酵至2倍大(約60分鐘)

3.將麵團用棍拉至長方形再卷起, 用刀切6份

4.將饅頭放係蒸籠上靜止10分鐘

5.用慢-中火蒸10分鐘

今次好滿意個包形呀好正(因為無難度), 下次可以改加入椰汁可能會好味d.

由一早開始報團去旅行,再由旅行社通知個團唔成,再即刻又去搵另外一間之後..最後好彩都落實終於可以去得成土耳其

咁去旅行更係要搵下d岩用袋方便我將所有野都放係個袋度..咁要求都好簡單既只不過大同唔好太重就ok啦...咁我又好似無喎..咁我又好似好耐都無買個袋喎..咁呢係咪應該去搵下先..係咪先係咪先....當然搵袋既過程更係要搵人陪架...這個任務都只係上星期四去左一次啦...但係都無睇岩喎.跟住星期六約朋友食飯之後又再拉老闆去睇啦...咁我既購買第一步曲就來啦...首先係拉佢行左2間..係第2間就睇中袋啦..

當然第2步曲就係由我食完飯開始勁開始問佢點呀個袋得唔得呀...岩唔岩我呀, 價錢會唔會貴左d呀, 個款點唔點...以上問題我係會發問好幾百次啦...不過我都係煩足佢半日"芝麻", 跟住我又開始思念個袋啦.

第3步曲就係....自己去帶左佢回家.

昨日未去cwb之前, 我又開始再進行我第2步曲啦..當時老闆就發表左我既購買3步曲既理論俾我知, 仲衰到叫我寫篇post出來俾大家更加認識我啦.....

當然我都會作出反駁啦...我都只不過平時都係會係第2步曲煩佢最多半日-一日就會進行第3步曲啦..咁樣都唔忍下真係唔知點攪..

hohoho...我又係用手機影相呀...(近派超懶唔想用相機影啦, 大家忍下)

同場再買埋mask去旅行用..ar mui我買左仲要昨晚試左你勁推介既mask..

不過今年唔同,今年同家人去日本玩5天最主要都係帶d小朋友去日本disneyland玩多d啦...至於我基於日元高企去之前我已經想我今次一定買唔到野回來架啦...點知我今次真係買少左好多呀...(因為我唔趕時間shopping,唔係我一定再買多d多d回來啦)

不過第一日去到日本我就已經開始胃唔舒服,仲要食咩嘔番曬出來,所以第一日我都無咩心機shopping行街晚上回到酒店都即刻回房訓覺連晚飯都唔敢食.今次個旅程我唔係影得好多相...因為我無帶個御用攝影師出來加上去東京對我都無咩新鮮感,所以無咩影景既地方.最多都係幫下d小朋友影下相...所以我都唔係一日一日介紹啦...今次我就講下我去日本究竟買左d咩回來俾大家..........................睇

以上既用品都係個領隊話佢幫我地係醫院入面買喎..當中有d魚肝油丸啦話食左身體會健康d又唔怕凍..所以更係要買俾父母等佢地更加健康啦..另外一樽係俾小朋友食既.至於上面3樽就係日本既馬油對濕疹,皮膚唔好既都好有效喎,

仲有我成日用既好似脫苦海既膠布我就買左一盒2款唔同藥廠出架啦..分別多於市面上既藥力4倍同2.5倍喎..計回港紙都要成$8-9一張都幾貴心想一定好好用..點知當晚即用之後我又覺得香港既脫苦海好好多喎..今次真係覺得蝕曬..因為這2款膠布我總共買左成112張啦.....另外果把梳就自己係藥房買既話有d油份係把梳度買買縿出來喎梳時可以潤下d頭髮.

至於一個咁為食既人我又點會放過買零食俾自己.

係這幾日都買左d衫褲啦..如果有多d時間相信我係唔會買咁少回來..宜家想起都覺得好後悔.

disneyland我都買左少少玩具俾自己...不過我都係買d有咩25th記念既用品就算.

最後果日係藥房見到這個眼mask又覺得好得意又想消下對熊貓眼...我試左一片啦又真係覺得感覺唔錯暖暖地..不過個熱力都為持20分鐘左右..不過起碼覺得好似果晚訓得好好咁.

唔知點解我d 皮膚咁鬼差既又有黑頭...最衰我係咩呀..忍唔到手啦..成日用手整d黑頭出來架...前幾日睇到報紙介紹圖中係10蚊店買既黑頭mask...宜家經濟唔好呀都係慳d洗先.....$10貨仔更係要買來試下好唔好用啦.

另外一件慳錢事件就發生係昨日啦...(扮下自豪先)話說我收到land crawford 話買美容護膚品滿$980就會送$100 cash coupon喎..咁好既時機我就更係去la mer睇下野啦..點知昨日問清楚先知原來d cash coupon用到今年既3月...咁我都打消個念頭啦..算數又慳番d錢啦.

點知...係度慳左去到睇下衫..忍唔住又買..仲要俾個sales姐姐叫我又買夠3件又會有幾多折..又話點平點平..最後都乖乖聽佢話.

我都唔記得左我有幾多年無放過聖誕節...因為每年都有工作要做仲要做到成個月連一天假期都無果隻...真係命苦...無計啦繼續做...不過做還做都要令下自己開心下先可以繼續做落去架..係咪先各位blog友姊妹

星期日同家姐行街就買左一對鞋,一條裙同一件褸俾自己作為今年既聖誕禮物啦...好啦就來死期來要連續做做做啦..就連做包既興趣都要暫時放低呀..