就來係家姐生日,所以又係要搵禮物俾佢既時刻....一心一意要買classic 款俾佢.點知無我想要既顏色又係要留電話...心想都應該唔會有來..不過買唔到袋俾佢就買到野俾自己...

行完街都係時間去食飯啦...之前老闆都已經話想去試西班牙菜,所以我地就走左去EL CID度食啦...估唔到此店D食物都幾好味..唔錯..懶得想既我地更係叫2人餐最為方便又可以試多D唔同既小食..

其實食完個九款小食再加個西班牙海鮮飯已經好飽, 但為食既我地更係要試埋此店既甜品..估唔到甜品都一樣好味..叫左個藍莓雪芭好清又唔會太甜唔錯...

這次係老闆係OR 搵既食店..係九龍城叫泰地道, 係遠左d不過d野食又真係唔錯....

今次唔貪心叫左2樣野...就岩岩好..叫左個冰火燒牛肉&魚汁米線...我覺得個燒牛肉都係普通野係個名好似改到好吸引咁...無咩特別, 相反個米線真係好得呀..特別個喇沙汁配個米線好正, d魚蛋都好好味..食完都好想快d再來試其他食物呀.

來九龍城都係為左去買大閘蟹食....今晚就決定蒸蟹, 整三杯雞&炒個菜就攪掂..樣樣都易煮岩曬我要求呀.

炒左幾次菜, 今次炒既蒜容白菜仔最滿意..仲有三杯雞都係一樣超級易煮既野..去買隻新鮮雞再加酒, 油膏, 黑麻油..最重要更係加埋九層塔啦..蟹就更加無難度啦..只係洗清潔去蒸就done啦..3樣野花我係廚房既時間都唔洗1小時...咁又一餐

雖然無出去活動, 但咁樣飲飲食食又幾開心.

上星期五見早放工,所以自己一條友去左按摩. 點知按完後老闆就call來話佢都可以放工可以陪我食晚飯...咁有人陪都無咁悶更係好啦...一早已經想去佢公司附近新開既店食魚..

8時多去到都要等左一陣位..好彩唔洗等好耐...2個人叫左泡椒味小邊魚再加多個涼拌青瓜...

個魚原來都係一般既大魚..不過佢地就加左好多配菜如芽菜, 金姑, 芹菜..個魚又話有少少辣..點知都唔辣既..不過都好夠味..d魚都算新鮮都ok架..一邊食下面有個小爐仔熱住條魚都唔錯, 不過如果再凍d來食就比較好d啦..宜家都比較熱所以當日愈食愈熱呀.

如果大家都喜歡食魚, 此店都可以一試...佢地好似都有好多分店.

上星期好無聊好想煮下野食 今次煮簡單西餐就算...突然想食牛扒, 所以去左附近既猫之島買材料...見到有d和牛所以買左2款和牛試下, 上面果款係話日本喎不過肉質會淋d, 下面就係澳洲喎這款係西冷所以肉味會重d.

再買d日本姑姑回家焗就ok

上網睇左用鹽, 黑椒&olive oil醃一陣, 再用平底鑊每面煎1分鐘再反轉, 如果想食7成熟就要反4-5次, 這個方法我都覺得幾得, 2款和牛真係幾好味特別係西冷果款真係好香好好味

上星期六去左tst行街, 買完野就一心一意要來此店食飯...時間尚早所以有位唔洗等.

我地睇左一陣都係決定叫個2人set dinner試下..不過估唔到我真係幾滿意.

頭盤我地選左salad, 佢個salad就come with 7款不同既dressing,幾特別

主菜有3款選2款, 我地選左唔知咩蛋意大利飯 & 牛臉肉配天使麵, 2個主菜都好好味, 特別個意大利飯真係好似日式蛋包飯, 多汁d蛋又唔會煮都好似蛋包飯咁熟好好味, 個牛臉肉都幾嫰唔會鞋口.

最後就係甜品+咖啡, 我地更係要試下此店既latta, 甜品就係綠茶芝士餅....可能食到太飽我個人認為個芝士餅就麻麻地, 原本佢門口有得買,我未食之前已經決定要買回家, 點知咁岩佢個甜品就係這個蛋糕,試左後覺得唔岩我口味,慳番.

大家有興趣都可以去此店食下飯, 因為此店都用回佢地既瓷器, 所以唔洗買回家都可以有得用下.

上次炒菜覺得好失敗仲覺得d芥蘭苦苦地都無我媽炒得咁正, 當然我更係話係d菜唔靚...所以今次去左買有機菜心試係得唔得...今次炒左就無苦但都係唔甜唔多好味.

另外見到有平時媽煮開既煮..我又用自己既想像將佢亂煮一通.將d魚煎左又加豆醬又加芹菜再加水..煮煮煮..成30分鐘呀..係咪好勁...但d魚又唔會爤喎仲唔錯..

最後再蒸埋個蒜容粉絲扇貝就攪掂..不過怕煩所以無落d熟油落去..只係食時放少少豉油都夠鮮味.

咁樣亂煮一通都係不用一小時..有時煮下野食都唔係咁難.

2個人叫左一set韭菜餃子+酸辣湯, 再加多個大腸蚵仔麵線食.

這間d餃子真係好味好多, d皮薄又有d煙un真係唔錯, 最吸引我其實係碗麵線真係好好食.我覺得好味過專買麵線既店呀...大家有機會都可以試下既.

這餐都已經係2星期前架啦...一直都懶唔願寫...今日等我又再寫下卜先...其實平時好少去味千食野..不過當食到無咩好選擇, 見到有味千又會好自然想再去食下...今次試左佢個新出品蒟蒻冷麵, 蝦餃子拉麵同埋一個小食炸軟殼蟹...

真係估唔到佢個冷麵真係幾好味, 又唔會放得太多麻醬好滯咁..至於個蝦餃子拉麵都ok啦...最唔得就算係佢既小食炸到油淋淋都唔似有軟殼蟹咁...食左一小件就放棄.

另外一日晚上原本想搵太子開果間糖百府, 點知好似都搵唔到,所以我地就去左聯合附近既一間甜品店, 宜家真係好多店都有做雪花冰, 此店都唔例外,所以我地叫左椰子雪花冰加一個芒果涼粉...

估唔到此店既椰子冰都幾夠椰子味, 不過相比糖百府更係後者既雪花冰做得更出色更滑啦.

煲左個大眼雞豆腐蕃茄湯, 原本想整個薑汁炒芥蘭,點知老闆家無個磨薑器,所以變左個勁多薑既炒芥蘭, 最後我再整多個焗豬頸肉....點知老闆話好正,我都係只不過亂咁點佢幫我醃定...真係樣樣都係"負負66"咁整出來

同場加多碟老闆既醉雞翼+鴨舌

原本單車係7時交車, 不過我地想早d食晚飯, 所以5時交車就順便行下長洲d小舖啦...之前見到有間屋仔豆腐花好似都幾多人食, 所以我地又行去試下.

因為就來要食晚飯,所以都係派左老闆試下..2個人叫左一碗...不過味道真係唔錯好滑..老實講我覺得好味過南Y島既亞婆豆腐花.不過唔記得影碗豆花俾大家睇下.

食完豆花再行一陣...我地就去食飯....老闆做左功課佢話要去間興x記(我又唔記得名)食..其實成條街都係食店..間間d價錢都係一樣就好似公價咁..基本上去邊間都係差不多啦.

2條友......就係咁食.........

唔好係為食左3個菜呀..又係我呀...好似無影到碟炒蟹...即係咁..我地當晚食左......薑蔥炒蟹仔, 豉椒炒聖子, 蒜容蒸扇貝&魚湯白菜....4碟野只係$158又唔收加一..抵抵抵..

仲要樣樣野都好好味....我最喜歡就係碟聖子呀..真係好鮮甜...其他海鮮都好好味這一餐真係又豐富又抵食呀.

食完飯...見仲有成半個鐘...終極一擊食甜品.

又係之前行下睇下時發現既甜品店....我叫左個什果綠茶水晶涼粉; 老闆就叫左芒果奶凍...2樣都好好味..我覺得我叫既就比較有特色好似係出面未試過..佢d涼粉係綠茶味真係幾特別...加埋d水果雪糕真係好yummy, 老闆話佢個奶凍都好正又唔會太甜配埋d芒果粒就岩岩好.

食完甜品岩岩好..上船回家

宜家對於玩FACEBOOK都玩到好悶咁...只係成日掛住去樂天睇下衫睇下袋..今月已經係樂天買左2次野..唉..真係唔好以為唔出街會可以慳D錢...係家中勁上網睇野都會令人不知不覺地洗曬D錢...今個月仲要報左個超貴又超爆棚既COURSE去讀書..真係要俾心機讀至得...

昨日原本都係去上堂做運動既...不過見到有野SHOP..更係唔上堂去行街好過...一放工即仆出去TST睇野...好彩都有收獲唔係咪2頭蝕..HOHO

買完鞋又想趕回CWB睇衫&袋, 所以求奇搵間食...老闆選左去PANASH食...因為老闆是日唔多大胃口,所以我地2條友只係叫左一個芝麻醬豚肉沙律同埋煙三文魚天使麵就算...原本仲打算食CAKE..點知食完2樣野老闆話想食2啖既CAKE...我當然唔會理佢啦...佢食左2啖要我自己一個人清曬件CHEESE CAKE .......NO WAY...

不過亂去一間D食物都唔錯喎...不過估唔到panash賣麵包..但係個天使麵旁既蒜容包係超難食...真係唔知個麵包隔左幾多日呀又硬又無味...反而佢個salad既豚肉燒得好香好多汁..個天使麵都好creamy正...

不過星期六又係死左出去玩大富翁..有時lunch悶悶地都走上去玩下先捨得返工..星期六中午玩完番公司再公司...到放工又再拉左老闆陪我去太古城再玩先去食飯...點知食完飯我又唔甘心又再拉老闆再玩..好彩2次合共入左唔夠十個coins就出左3百幾個coins出來我先捨得收手...真係多謝老闆既支持既

上星期忙到九彩...今個星期又要返工..好似覺得連續2個星期都無放假真係攞命...抑鬱症又發作ing...好彩星期六拉左老闆去食片皮鴨..見到hsbc卡有優惠..所以我plan定好去食架啦..

2個人照例大食鬼上身...叫左個片皮鴨+每人半隻龍蝦...宜家2個人基本上唔食肉都ok, 但無菜就真係唔得..所以最後都係要叫埋個菜先叫做完美呀.

上次去喜百合食隻片皮鴨要成300元/隻..宜家美心做緊優惠先$218又有片皮鴨又有龍蝦食真係認真超值呀..大家有興趣都可以去食下.

其實我已經留意這間店好耐, 亦都知佢係牛頭角好出名既店鋪, 不過要拆所以搬左來工業區..不過我都唔明d人會唔會由牛頭角行咁遠來新店食飯呢? 每日都會經過平時都唔多覺要排隊, 不過一到星期六都會簡唔中有d人係門外等位...一直都無咩心想試因為我試過佢地既早餐&下午茶都覺得麻麻地...

不過上星期六睇完戲唔知去邊度食好, 所以我就帶左老闆來此店試下啦...估唔到味道真係唔錯, 超碼以大排檔來講佢既食物算係小味精...我最喜歡就係食鱔, 此店既鱔真係好好味仲要加左d紅"組"&杞子蒸...其他食物都唔錯, 下次都要再去試下其他食物

搵唔到野但對腳已經唔係自己架啦...咁當然做完公司野更係要去按摩下對自己好d啦....原本打算按摩完就回港食飯...不過想想下都係食堆先走比較好d...2條友又去回平時食開既食店亂叫野食...其實我地2條友都無咩新意...次次去大陸都係去同一間按摩同一間食店食野就算...

大家係咪覺得好嚇人呀...2個人叫左5樣野...老闆仲勁最後自己一條友仲要叫多碗檸汁馬啼露食...基本上成日都係勁食一天呀.

一早上來去左飲茶..不過老闆見到張poster有一斑二味就話要叫...最後我地再叫多2個點心就算...真係估唔到早餐會咁樣食啦..心覺得怪怪..但口又不停咁食呀.

不過食完個咁精彩既早餐之後..我地2條友不停行行行都唔覺肚餓呀...真係幾鬼抵食啦.