文章分類: 食食食～零食篇 (天生為食購物怪)

See's Candies

josearfung0712 — Tue, 27 May 2008 11:55:46 +0800

上次食過anges b既朱古力覺得唔係好岩自己口味, 經各方blog友介紹試吓see's candies我更係聽話啦..今次都係由老闆提供既朱古力.

佢今次又係選左好多有nuts既朱古力俾我...味道都唔錯起碼我覺得好味過anges b先...不過覺得佢地d朱古力比較偏甜唔知係咪多數都係有焦糖呢.

有得食又免費既..就更係岩我口味啦..hohoho

埃及最後衝刺

josearfung0712 — Thu, 13 Mar 2008 09:38:57 +0800

圖中既market就係我地參觀完金字塔同獅身人面象, 再食埋餐難食既中餐後要去既地方...

其實行這個market咪就係等人用埋d埃及錢又或者未買souvenir俾朋友就一次過係這個market度買啦...不過我地之前行神廟既時候又或者之前都去左2個類似既market都買左野, 所以對於這個market一d都唔吸引...我地只係用左30分鐘左右就行完..跟住就坐左係間coffee shop同團友一起等啦..

其實這個market好似買d銀器飾物居多, 其他小小精品如沙樽都好似無得買.

日版雪糕+美版汽水

josearfung0712 — Wed, 12 Mar 2008 14:21:45 +0800

圖中一款係7仔買既haagen dazs 日本版..一心一意都覺得此品牌出既雪糕都好好味仲要係日版就更加有好大既期望架啦...點知都有點失望...

又話咩鬼夏威夷困果仁...食落都唔多覺得有既只係普通既雲呢拿味啦..無咩特別大家可以唔需要試.

另一款係超市買既美版lime coke..不過味道麻麻仲衰過普通既lemon coke呀...

唉..試咩鬼日版, 美版..食回港式野至實際

綠茶百力滋

josearfung0712 — Tue, 11 Mar 2008 11:34:56 +0800

大家都知我係埃及無啖好食啦..回港後就勁買好多零食安撫一下自己先...(為食就為食啦多多藉口)

圖中既綠茶味既百力滋都唔錯, 有少少綠茶味又唔太甜..

I'm loving Cheese

josearfung0712 — Wed, 09 Jan 2008 09:58:00 +0800

前一派無無聊聊又發口痕, 去左citysuper買左d零食...圖中2款係我少少既戰利品..一款係獅子狗魚蛋包住d cheese(這款比較好味d, d cheese似chedder cheese岩我口味); 另一款就好似d鱈魚絲包住d 好似mozzarella cheese 咬口好乾麻麻地

零食不可缺

josearfung0712 — Fri, 23 Nov 2007 12:39:27 +0800

零食...對我來可以話開心又會想食; 唔開心就更加要食...真係任何時刻都會想食..

前2日係jason超市見到有promoter小姐係度推廣朱古力..見到個樣都好似好正仲要係我至愛既軟心朱古力..咁我又買左2盒回家..無錯係2盒真係買完都覺得有少少guilt...味道都唔錯算幾好味既...

另外一盒就係mannings買既咖啡朱古力百力滋...好香coffee味唔錯如果喜歡咖啡既人都可以一試.

KIT KAT ~ LIMITED

josearfung0712 — Mon, 12 Nov 2007 12:45:08 +0800

又係介紹朱古力...其實早前已經係其他BLOG度有人介紹圖中限定版既kitkat架啦..一直都無專登去搵...又係俾我係萬寧睇到又即刻買包來試...味道真係唔錯有好香既哈密瓜味又唔會太甜唔錯唔錯...好似佢近期又出左另一口味..好似係橙唔知加咩水果..下次都可以試埋.

TIME OUT

josearfung0712 — Mon, 12 Nov 2007 12:44:10 +0800

time out出左咁耐終於都出左隻新口味 ~ hazelnuts...不過味道就認真麻麻...唔算好味..味道怪怪...可以唔使試啦.

GOOD

josearfung0712 — Mon, 12 Nov 2007 12:43:26 +0800

圖中既朱古力係萬寧買...昨晚開左來試..真係忍不住一粒接一粒咁食...

底部係餅乾, 中係有D好似CREAM既物體...真係好好味...好味過老闆買既貴價朱古

力...唉我個人岩食D CHEAP野..

pucca - strawberry

josearfung0712 — Wed, 07 Nov 2007 11:01:10 +0800

上次介紹左魚仔既布甸口味十分可口, 前幾天見到有strawberry味當然都唔會放過買左幾盒回家同d小朋友分享吓...味道都唔錯雖然無布甸味咁特別咁正, 之但係佢都好味過朱古力味好多倍值得一試.

Snack food

josearfung0712 — Thu, 18 Oct 2007 12:07:22 +0800

一心一意去JUSCO買番上次話好正既布甸魚仔..點知行左成個場都無左...係無左..十分失望...咁一場來到無可能空手而回架...咁我退而求其次買左圖中既栗子味小包仔..不過食落就麻麻無咩栗子味同埋佢唔係餅乾底唔係脆卜卜..真係有D食栗子包咁..大家可以唔試都無所謂, 旁邊果4支糖有2支係俾小朋友; 2支係俾老闆食既....我對糖果就無咩興趣

黑白配...

josearfung0712 — Wed, 17 Oct 2007 12:38:48 +0800

我相信如果大家喜歡食零食都有食過圖中既百力滋...其實佢仲出左好多不同口味..

圖中既係黑白朱古力味..食落好香厚厚既2款朱古力口味....

最重要係我係circle k買既...大家估吓幾多銀????

heee....只係$6.5.抵呀

CHOCO ~ SNACK

josearfung0712 — Wed, 17 Oct 2007 12:36:45 +0800

同老闆睇完戲就去左萬寧買下朱古力入貨先....買左圖中姑姑形朱古力(姑形餅乾再加上朱古力topping)

不過一回家見成班嘩鬼仲未走..當然我就要攞出來俾4位小朋友一起分享啦....不過佢地都幾勁...唔夠3分鐘

佢地就可以成盒消滅.....唔知仲以為佢地成班未食晚飯..真係笑死人.

MOVENPICK

josearfung0712 — Wed, 17 Oct 2007 12:35:37 +0800

自名真係一個雪糕狂, 最喜歡就係食雪糕. 無論夏天又好, 冬天又好就連在外國一段日子落大雪..我都好喜歡食雪糕.....基本上我咩雪糕都可以食得一餐

不過今次我對movenpick既tiramisu味既雪糕真係十分失望...佢既價錢已經貴過haagen daz架啦...心想一定會好食過haagen daz啦...點知回家開來食就非常非常失望...好似食緊一埋cream咁又無咩tiramisu味道, 反而haagen daz仲有d餅干粒增加吓口感...movenpick就無啦..只係面頭有一d朱古力粉既物體但味道又唔討好..十分失敗...大家可以不試此口味...

餃子餃子我愛你

josearfung0712 — Wed, 17 Oct 2007 12:34:51 +0800

其實圖中既卡樂b餃子味薯片都出左一段日子...不過我都未試過...見家中有6個小魔怪來, 當然最好係買一包回去同佢地分享..佢地又開心我又可以食少少唔怕熱氣..真係一舉幾得啦..hoho

當然個個小朋友一見到薯片就當我神咁拜啦...大家爭不停..好彩我都可以食到幾片..味道就當然唔覺有咩餃子味..不過卡樂b既薯片都唔會難食得去邊..只不過食厭左其他味道, 這一款味道都可以一試.