大家pet友...今期新貨啦...個swing seat好吸引呀...仲有隻水母都好過癮...大家儲夠彈藥去買貨未?

星期日同家姐去左sogo,佢睇手袋..我都無咩心水要去買野架啦...不過之前又係睇中左chanel支指甲油見出番,所以心思思想買...都係問下我個彈主家姐意見好d.

見佢都話ok..所以放心買(hee..我多舊魚架我其實已經鎖定目標要買,不過見佢唔會太大反應即係唔會彈我好多所以安心左d)

跟住我又再買多支佢新出既色都幾靚...ok攪掂俾錢走人.

其實又話經濟唔好,好多人俾人lay off..但sogo半年一次既減價日都係人山人海..真係厲害.

另外,有一人我個無聊人係度等車時...見到隻蜜蜂係塊葉上......痾左2舊泥黃色既野..唔知大家可唔可以話我知咩來...係咪真係屎呢..

hee..我個人就係咁無聊架啦..請大家blog友見諒.

(閱讀全文)

星期三去左學整蛋糕,選擇左係我公司附近既地方整餅..所以放左工慢慢行過去都無問題..不過我遲左少少仲要俾miss打來吹我上堂..hohoho我心想唔係呀你一大班人都唔會等我架啦..點知原來成班就只有我一個人上...另一位女士就學整麵包....真係成個問號係腦海..點"為皮"呀.

今次我選做朱古力榛子脆脆蛋糕..我好喜歡食d脆卜卜既野架..所以想學下點整..基本上我覺得個miss都好心機..不過好似樣樣野都有人預備曬好唔自在..我都係喜歡自己量粉篩粉等工作..不過整餅既過程都幾開心架..由焗出一個海綿蛋糕再做decoration等工作都開心..因為好似係我自己整咁(其實個miss都幫好多手)

最後就完成左..不過我可以話俾大家知..個蛋糕唔算好味..

我覺得個蛋糕唔夠鬆軟...仲有佢既脆脆大片又唔整碎唔多岩我(我之後上網睇回d食譜好多人都教個脆脆雪後可以整碎佢)

所以相信我唔會再來學整餅lu...不過學到d步驟都ok

睇到mui就帶左隻狗仔新成員回家真係開心,我都唔輸蝕先..我帶個打蛋器回家....其實上次整曲奇將牛油同糖要打到奶白色既過程我用手打,真係打到我傻...所以第2日我醒目地用信用卡既積分換部打蛋器回家先.

我昨日已經買左d材料啦...星期日早d起身再整餅先.

等我既作品出世啦.

ps特別多謝dd同叮叮既食譜..我會努力架啦.

不過岩岩過左既假日我就覺得非常充實.一早就自己起左身,跟住就好開心上網再搵下食譜最後就決定做個合桃小蛋糕先.準備好野就開始做啦.

睇下係爐既時間都好鬼死靚架..不過見個面仲未變色自己又心急,所以又張個熱力改為上下發熱啦...點知點知...大家睇下出爐個樣

燶左d呀...真係自己攞來衰呀..

出爐自己食一個俾亞媽又食一個...亞媽就更係支持我啦佢話幾好味唔錯,不過我就覺得一般啦似蒸鬆糕多過似蛋糕仔,下次再搵另一個食譜再做.

見家無材料自己又再走出去再買少少野回來諗住再試焗cookie啦.

今次試整牛油曲奇

心想整cookie應該係最無難度架啦焗既時間又唔會太長, 點知原來整cookie都唔係我想像中咁易架...唔知點解焗左10分鐘個cookie面都唔變色攪到我成日又開又關又加大火又將個盤放上放落..最後都覺得佢個色ok就算.

不過味道真係麻麻呀..又唔甜又唔香牛油味下次再試啦...已經累到要死.

大家唔好以前我只係整左咁少,原本仲有好多架不過同姨生女沖茶時(只不過2-3分鐘度)有一大盤已經俾我焗燶左啦.

今次焗2樣野都出現焗燶既情況, 不過唔緊要啦我相信我慢慢會搵到應該要點做先會做好架.

1. 你寫Blog有多久？ 最初為什麼會有開始寫Blog的念頭？

其實寫blog我都係寫左一年多,初頭都係見無無聊聊當寫吓自己日常既生活居多啦,當日後自己睇時又另一番感覺

2. 寫Blog至今，最難忘的事是什麼？

難忘係blog友既留言有d真係好窩心.

3. 你覺得寫Blog最重要的元素是什麼？

寫分享喜與悲.喜同人分享大家都會感受你既開心,悲時又會得到大家既支持同安慰

4. 請用一個詞語 / 東西形容你的Blog。為什麼會有這樣的想法？

為食,我真係好為食又喜歡試新店

5. Blog在你的生活中擔當著什麼角色？

其實都好重要,我已經習慣每天去人地個blog度睇野又會有固定既blog友到處留言
 

6. 你覺得自己和MySinaBlog的Blogger們有著怎樣的關係？

朋友..真係慢慢建立到友誼出來.

好啦..我又要搵多3位blogger幫幫手先.今次叫

Lindberg

cakecake

邱師奶(迫你再寫吓blog先)

其實之前唔想post出老闆送既錶出來,不過亞小氣老闆又話hello connie送既你都逐樣逐樣咁細心影,所以我都係以免佢做"常""哦"我就post埋佢今年送既錶俾我.

昨日開車時突然間想起,這3年間老闆真係幫我不少..好似我經歷親人既離開既傷痛,真係好多謝佢既陪伴開解,如果唔係我都唔知我可以點過.

性格火爆又唔好脾氣既我,佢都可以忍讓(我真係知道佢死忍難忍架)真係辛苦佢這幾年既遷就同照顧.(不過這些說話我一定唔會親口講,我怕同佢講實嚇到佢以為我傻左送我入青山)

點都好啦..多謝照顧同埋多謝你既禮物

導演: 主演: 片種: 日期:

李察夏普德

李察基爾,泰倫斯侯活,謝西艾辛堡

2008-05-29

在戰火中，你看到的，跟事實可能是兩回事。

電視台記者西蒙亨特Simon Hunt（李察基爾飾）和拍檔攝影師鴨仔Duck（泰倫斯侯活飾）多年來一直於水深火熱的戰地採訪新聞，由波斯尼亞到伊拉克，由索馬利亞到薩爾瓦多，他倆出生入死，精銳的報道為二人帶來多個獎項。可惜一次於波斯尼亞村落的現場直播中，西蒙嚴重失誤，自此他於電視台消聲匿跡，反之鴨仔繼續做下去並升了職。

五年後，鴨仔帶着記者新丁班哲文Benjamin（謝西艾辛堡飾）重回薩拉熱窩，打算製作當地戰事結束的五週年紀念特輯。此時西蒙卻突然出現，告訴鴨仔他有一宗獨家猛料 – 他知道波斯尼亞一級通緝戰犯「狐狸」的下落。鴨仔和班哲文當然不會放過這黃金機會，但他們卻不知道自己逐步陷入危機．．．

好耐都無睇過戲, 上星期六老闆提議去睇戲行吓街, 佢俾左這一套同埋 Indiana Jones我選, 最後我都係選左Richard Gere加上佢話係真人真事, 所以更加吸引我.

好彩睇完都無令我失望, 佢講出各國為左利益而不理人民既生命,由得個戰犯消遙法外. 雖然佢既故事都幾嚴肅幾政治化, 但係佢地都有d笑位中和一吓.

如果大家未睇都可以值得一睇既.

一直我房都放左幾盤植物, 以前都有種過一盤仔蕃茄仔亦都有果實...不過最後都係凋謝左...但有一日我收到唔知有咩志願機構寄左d種子來...咁我又唔想浪費又唔想放係我間房種...所以我就"事事旦旦"放左去大老闆既前花園度埋左佢.

心想種到就種啦, 種唔出都算啦(其實我之前都有亂放d種子/我房就來謝既花係佢個花園度, 但都無種得成功)所以我估今次都唔會種得出架啦.點知有一天亞媽同我講, 唔知係咪d鳥仔放左d蕃茄既種子來, 宜家花園種出蕃茄來...

我想左一陣就話唔係鳥仔...係我呀.我仲同佢講..我成日都放d不知名既種子係花園, 不過你地唔知..hohoho..今次仲要種出蕃茄仔來..真係開心.

以後我都會繼續亂放d野係佢個花園度....

大冬瓜星期六去左買花...我更係菠蘿雞趁機會叫佢幫我買埋我扮野唔俾回錢佢.今次佢買左一盤荷包花俾我..好靚係黃色花架...仲有一盤唔記得咩名既植物...未開心唔知係咩顏色呢...十分期待

又係影相癒發作, 見到自己小窗台有咁多植物就幫佢地影吓相啦.

之前係公司都有放d真既植物, 唔知係咪無陽光既關係覺得d植物好似無咩點大, 最後都要將佢地搬回家....咁係公司又無咩植物又好似好單調..早前見到blog友扭左d迷你植物扭蛋, 可能都好耐既關係所以我仲未見到有一部扭蛋機有.

點知上星期我去mega box泊車出來見到有好多部扭蛋機其中有一部有..即刻扭2隻..點知都扭唔到我想要既植物..只係扭中一盤仙人掌同埋一盤唔知咩既植物.

不過算數放係公司等我欣賞下都開心

昨晚食完飯經過客廳見到大老闆買左d好似菊花細既花...又咁鬼早無無聊聊就走上房攞自己部DC學吓人咁影花相(幻想自己攞緊部D60)

以上這一盤就係我接種既紫羅蘭, 成功歸土!!!等佢長大開花結果.

無聊人要清醒, 我用DC影出來既相點同D60相比...

見到大眾書店竟然有rement買又加上有8折優惠, 自己又咁耐都無幫間mini house買張椅子..

咁多個藉口加埋就得出以上圖中既紅包圓椅子

新一年又來啦, 我都要買d花點綴吓我自己個單位先...

上星期日難得係家到hea, 又訓左成日到成3時多老闆娘就call我起身叫我幫佢接佢d海味回家...唉見到起左身更係順便出去行行啦.

接完d海味回家, 就出左去附近既plaza周圍行吓....假日時真係好多人, 都無咩心機行就去左睇吓花啦, 最後買左盤風信子..仲要俾老闆娘笑我, 邊個會買風信子做賀年花架.(邊個話我要做賀年花, 我只不過來襯吓我房內既其他花)